Баерн Минхен е безмилосен и во најголем дел од натпреварите ги полни противничките мрежи, но вечерва ја почувствува другата страна од приказната. Баварскиот тим загуби од Борусија Менхенгладбах со убедливи 5-0 и доживеа елиминација во Купот на Германија.
Коне уште во втората минута го најави изненадувањето, а Бенсебаини со два гола до одморот зголеми на 3-0. Во вториот дел и Емболо беше двоен стрелец за неверојатен пораз на германскиот првак кој играше во комплетен состав.
Хановер славеше против Диселдорф со 3-0, а Келн оствари триумф (0-2) на гости против Штутгарт.
