Во Италија се изречени парични казни за 171 навивач на Јувентус поради расизам против напаѓачот на Интер, Ромелу Лукаку. Станува збор за инцидентот на крајот од првото полуфинале во Купот на Италија меѓу двете екипи на 4 април во Торино, кога Белгиецот беше нападнат со навреди по неговиот гол при ремито 1-1.
Вкупно 250 приврзаници на Јувентус се идентификувани дека го навредуваат напаѓачот со расистичко насилство. Останатите 79 лица, кои не се меѓу 171 навивачи кои се веќе казнети, се под истрага. Се очекува и тие да се соочат со санкции.
Од секторот зад голот на Јуве во тој момент се слушнаа навреди кон Лукаку, што го изнервираа фудбалерот на гостинската екипа, што ескалира со негово исклучување поради втор жолт картон.
