Наполи стравува за повредата на Деме

Италијанскиот калчолигаш Наполи би можел да остане без Диего Деме на подолг период откако фудбалерот заработи повреда на денешниот пријателски натпревар против Про Верчели. Во првото полувреме Деме се здоби со повреда поради која мораше да го напушти теренот.

Деме во текот на утрешниот ден ќе замине на детални лекарски прегледи по што ќе биде познато и колкав период ќе биде надвор од терените.

За Наполи ова е втор тест во текот на подготовките.