Наполи повторно се искачи на врвот на табелата во Серија А, откако оствари победа на гостувањето кај Џенова со 1-2. Тимот на Антонио Конте сега има 38 бодови, еден повеќе од Аталанта, која има одиграно еден натпревар помалку.
Во 15. минута, Андре-Франк Замбо Ангиса го отвори резултатот за Наполи, а само осум минути подоцна, Амир Рахмани го зголеми водството на 0-2.
На почетокот од второто полувреме, Андреа Пинамонти постигна гол за Џенова, враќајќи ја надежта за домашниот тим. Сепак, на крајот, тренерот Патрик Виеира го претрпе првиот пораз откако го презеде тимот.
