Италијанскиот калчолигаш Наполи ги упати своите барања до Манчестер Јунајтед за да се согласи на размена во која ќе бидат вклучени Виктор Осимен и Кристијано Роналдо.
„Наполитанците“ ги известиле „црвените ѓаволи“ дека за Осимен бараат 120 милиони евра и потоа можат да го земат Роналдо на позајмица на една сезона, објави РАИ.
Сепак, покрај тоа, клубот од Манчестер ќе треба да ја исплати целата плата на Португалецот, кој е повеќе од непожелен на „Олд Трафорд“.
И агентот на играчот, Жорге Мендеш, и самиот Кристијано се залагаат за трансфер на мегаѕвездата во тим што ќе учествува во годинашното издание на Лигата на шампионите.
