Наполи конечно успеа да стигне до триумф на стадионот „Диего Марадона“ во Неапол совладувајќи ја Сампдорија со 1-0. Стрелец на победичкиот гол беше Андреа Петања во 43.минута од дуелот. Македонскиот репрезентативец Елиф Елмас го одигра целиот меч за домаќинот.
Аталанта беше убедлива на гости против Удинезе и славеше со 2-6. Пашалиќ, Муриел и Малиновски го решија победникот уште во првиот дел, а Аталанта броеше до шест со головите на Маеле, Песина и вториот на Муриел. За Удинезе стрелаа Бето и Молина.
