Наполи лесно против Специја, половина час за Елмас (ВИДЕО)

Лидерот Наполи оствари уште една убедлива победа во Серија А совладувајќи ја Специја на гости со 0-3. Македонскиот репрезентативец Елиф Елмас доби половина час во второто полувреме од овој меч. Сега „наполитанците“ имаат огромни 16 бода предност на врвот на табелата.

Специја се држеше едно полувреме, а на стартот на вториот дел Квича Кварацкелија од пенал донесе водство за лидерот. Потоа на сцена стапи Виктор Осимен со два гола. Тој стрелаше во 68. и во 73.минута за убедлив триумф за Наполи.