Наполи официјално го објави новиот договор на Матео Политано, кој повторно потпиша со клубот до летото 2027 година. Неговата плата ќе биде 3,4 милиони евра по сезона.
Крилниот напаѓач му се приклучи на италијанскиот шампион пред почетокот на сезоната 2019/20, кога дојде на позајмица од Интер, а Наполи потоа го откупи трајно за 21 милион евра.
Политано досега одигра 175 натпревари со 29 гола и 24 асистенции за „партенопеите“ со кои има една титула во Серија А и еден трофеј во Копа Италија. Тој е и италијански репрезентативец, има одиграно 12 натпревари за „сквадра аѕура“ досега, постигнувајќи три гола и една асистенција.
