Навивачите на Наполи речиси сигурно ќе мора да се разделат со две од најголемите ѕвезди на тимот во текот на летото. Виктор Осимен и Квича Кварацкелија се цел на најголемите европски гиганти.
Нигериецот е блиску до трансфер во Челси, а за грузискиот интернационалец силно се интересираат Барселона и Пари Сен Жермен.
Според информациите на „CalcioNapoli24“, раководството на „партенопеите“ ќе се сложи да го продаде Кварацкелија доколку добие понуда во висина од 100 милиони евра.
Сепак, „наполитанците“ се надеваат и на продолжување на договорот на крилниот напаѓач, кој истекува во 2027 година.
Грузиецот од почетокот на сезоната има 39 натпревари во сите натпреварувања, на кои постигна 10 голови и забележа седум асистенции.
