Лидерот на табелата во Серија А, тимот на Интер, оствари нова убедлива победа. Составот на Симоне Инзаги славеше како гостин против Лече со 0-4.
Во претходните две кола „нероаѕурите“ победија против Рома со 2-4 и против Салернитана со 4-0. Така, тие забележаа три последовни првенствени успеси, во кои постигнаа по четири гола – нешто невидено од есента 1947 година.
Со триумфот над Лече, гигантот од Милано има 16 победи од 1 јануари 2023 година, кое го става заедно со Манчестер Сити меѓу најдобрите тимови во петте најголеми европски лиги.
