Германскиот репрезентативец Марко Ројс нема да учествува на претстојното Светско првенство поради повреда со која се здоби пред неколку дена. Капитенот на Борусија Дортмунд навистина нема среќа.
Откако го пропушти Светското првенство во 2014 година, тој нема да биде ниту на Мундијалот во Катар. Пред неколку дена се здоби со повреда на скочниот зглоб, која ќе го оддалечи извесно време од терените, а со тоа ќе го пропушти и авионот за Доха.
Ројс е една од многуте ѕвезди кои се здобија со повреда пред почетокот на Светското првенство, што е показател за лошата одлука на ФИФА да се игра Мундијалот во текот на зимата.
Поради повреди Марко Ројс ги пропушти и ЕВРО 2016 и ЕВРО 2020 и според тоа е еден од најголемите малери во светскиот фудбал.
