Ќе игра ли најдобриот косовски фудбалер против Македонија во Скопје? Оваа дилема повеќе од еден месец го мачи селекторот на косовскиот национален тим и најверојатно ќе го нема на располагање Ведат Муричи за гостувањето на 8 октомври. Тој се уште е во Рим и прави тестови за неговата подготвеност, односно колку неговото повредено колено и истегнатиот бутен мускул може да издржи фудбалски натпревар во овој момент. Лекарскиот тим на Лацио вели дека не може.
Косово ќе го нема ниту капитенот Амир Рахмани кој е во карантин во Неапол заедно со Елиф Елмас и останатите соиграчи откако се појави коронавирус и меѓу „наполитанците“.
