Селекторот на германската репрезентација Џулијан Нагелсман изјави дека групата која ја доби неговата селекција на ждребот за Европското првенство следната година е доста силна.
„Тоа не е група на смртта, но е многу силна група и со нетрпение очекуваме да учествуваме“, коментираше Нагелсман во Хамбург.
Германија е сместена во групата А, во друштво на Шкотска, Унгарија и на Швајцарија.
„Сега знаеме со кои селекции ќе играме и нѐ очекува одличен старт против Шкотска со емотивни навивачи од двете страни. Познавам неколку швајцарски играчи со кои сум работел во минатото“, додаде Џулијан Нагелсман.
