![](https://makfudbal.mk/wp-content/uploads/2023/02/dani-alves-777.jpg)
Обвинителите побараа максимална казна од 12 години затвор за поранешната бразилска фудбалска ѕвезда Дани Алвеш (40), обвинет за сексуален напад. Алвеш ќе се соочи со судење за наводен напад на жена во ноќен клуб во Барселона на 30 декември.
Истражниот судија во август му поднесе обвинение, а судот тогаш изјави дека има доволно докази за судењето кое се очекува следната година. Поранешниот дефанзивец на Барселона ги негираше обвинувањата и од јануари е во притвор.
Обвинителите, исто така, побараа Алвеш да и плати отштета од 150.000 евра на жртвата и да му се забрани каков било контакт со неа во следните десет години. Тие исто така сакаат Алвеш да остане под надзор една деценија по отслужувањето на затворската казна. Сите барања за кауција на Алвеш беа одбиени бидејќи судот сметаше дека постои ризик од негово бегство.
Алвеш има 42 трофеи во кариерата, вклучувајќи три пехари од Лигата на шампионите со Барселона и две титули Копа Америка со Бразил. Тој е еден од најдобрите десни бекови во историјата, а играше и за бразилската Баија, Севилја, Јувентус, ПСЖ, Сао Паоло и за мексиканскиот УНАМ Пумас.
![](https://makfudbal.mk/wp-content/uploads/2021/02/logo.jpg)
-
Ексклузивна колумна на Филип Лам: Хомогеноста на Шпанија против непредвидливите Германци
Осум селекции сѐ уште остануваат, но сите дваесет и четири нации придонесоа за успехот...
Автор makfudbal
-
(ИН)ДИРЕКТ: Време е за ново „правило“: Ако не минеш две кола во Европа, следните три години „не смееш“ да играш!
Македонските фудбалски туристи се прошетаа низ Европа, добро, низ споредните државички кои се далеку...
Автор Nikola Gjurovski
![](https://makfudbal.mk/wp-content/uploads/2024/09/zfk-ljuboten-7-1-80x80.jpg)
Женски фудбал
ЖФК Љуботен со утешна, но и историска победа во ЛШ
![](https://makfudbal.mk/wp-content/uploads/2024/09/kasemiro-junajted-888-80x80.jpg)