Висар Муслиу го постигна дебитантскиот гол во дресот на Фехервар во првенството на Унгарија. Фехервар Мол славеше со 3-0 против Кишварда, а Муслиу беше стрелец на водечкиот гол во 41.минута.
Репрезентативецот скокна највисоко и со удар со глава ја затресе мрежата на противникот. Ова е убава вест пред претстојните квалификациски мечеви на Македонија против Израел и против Летонија во наредните десетина дена.
