Италијанскиот калчолигаш Рома е сериозно заинтересиран за Сердар Азмун. Напаѓачот на Зенит го нарекуват „иранскиот Меси“, а Жозе Мурињо сака да го има на „Олимпико“. Раководството на Рома ќе се обиде да вклучи уште некој фудбалер во трансферот и да го добие преку размена, но ќе има и конкуренција во германскиот бундеслигаш Баер Леверкузен.
Иранецот Азмун минатата сезона на 29 натпревари постигна 19 гола и забележа шест асистенции. Зенит се уште не е сигурен да го продаде одличниот напаѓач, но преговорите се отпочнати. Се ќе зависи и од понудата на Рома, а Сердар Азмун на трансфер маркетот има вредност од 18 милиони евра.
