Напаѓачот на Севилја, Јусеф Ен-Несири, ќе биде првото големо име кое Жозе Мурињо ќе го донесе во Фенербахче. Турскиот гигант е блиску до финализирање на договорот со шпанскиот клуб.
Пакетот е договорен во износ над 20 милиони евра со додатоци, се работи на деталите за личните услови, а потоа време е за патување на медицински прегледи.
Ен-Несири е дел од Севилја од летото 2020 година, кога беше доведен од Леганес. Тој има постигнато 73 гола во 194 натпревари за андалузискиот клуб. 27-годишниот фудбалер беше дел и од Малага.
Досега Фенербахче ги доведе Ален Сен-Максиман, Ченк Тосун, Огуз Ајдин, Чаглар Сојунџу и Левент Мерџан.
