Италијанскиот калчолигаш Јувентус има намера да го врати Алваро Мората иако клубот претходно не ја искористи опцијата за откуп после истекот на позајмицата од Атлетико Мадрид. Шпанскиот напаѓач не е во плановите на Диего Симеоне, а Алегри силно го посакува во својот тим.
Директорите на Јувентус имале средба со агентите на Мората, кој исто така сака да се врати во Торино. Атлетико повторно е подготвен да го пушти на позајмица, но сега со клаузула за задолжителен откуп и сума од 30 милиони евра.
Минатата сезона Мората за Јувентус постигна 12 гола и запиша девет асистенции за гигантот од Торино.
