Лошите резултати на Јувентус во Серија А ќе предизвикаат тектонски промени во тимот. Составот на Масимилијано Алегри ќе претрпи значителни промени во јануарскиот преоден рок.
Еден од првите играчи кои ќе заминат ќе биде Алваро Мората. Шпанскиот напаѓач не се докажа овојпат кај Алегри, а за неговите услуги е заинтересирана Барселона која би го довела на позајмица.
Тој досега како позајмен играч од Атлетико Мадрид настапуваше за Јувентус. Според „Марка“, зделката е речиси завршена, а наместо Мората во Торино треба да дојде Аркадиуш Милик од Олимпик Марсеј.
