Поранешниот македонски репрезентативец Даниел Мојсов успеа да најде заеднички казик со раководстото на АЕК Ларнака. Тој и следната сезона ќе го носи дресот на кипарскиот прволигаш иако првично се збогуваше преку социјалните мрежи и најави разделба.
Но, дојде до нова средба на која Даниел Мојсов и претставниците на клубот договорија нова едногодишна соработка. Мојсов веќе четири и пол сезони е член на АЕК Ларнака каде соиграч му е и Иван Тричковски.
Дефанзивецот досега има 89 настапи за АЕК Ларнака во кипарското првенство, 14 во Купот на Кипар, едно учество во Суперкупот и 25 настапи во европските купови во „жолто-зелениот“ дрес. Досега има постигнато пет гола во сите натпреварувања.
