Директорот на Агенцијата за млади и спорт, Наумче Мојсоски, во телевизиско гостување објасни околу новата „војна“ со ФФМ. Тој истакна дека нема ништо против актуелното раководство на Фудбалската федерација на Македонија, но мора статутот и изгледот на собранието да се усогласи со Законот за спорт.
Мојсоски потенцира дека во ваква консталација Општинските фудбалски сојузи имаат поголема сила и моќ отколку клубовите, како Вардар и Шкендија.
„Не знам што му пречи на Сејдини, општинските делагати кои немаат врски со фудбалот, гласаат и имаат поголема сила од Вардар, Шкендија, Борец, тоа е проблемот, останато е од дамнина дека Општинските сојузи носат одлуки без консултации, тие се главни фактори. Битно е дека мора да се усогласиме со законот, не е битно дали Сејдини или Мојсоски е тука. По ова не сум се видел со Сејдини, сакам да се видам и да кажам дека мора да се усогласиме со законот, има реакции од самите клубови – тие се чинители на тоа Годишно собрание. Со факти ќе му се обратам на Сејдини“, изјави Наумче Мојсоски за Телевизија 24.
