Борусија Дортмунд сака да го замени Никлас Фулкруг со друг германски репрезентативец. Напаѓачот денеска треба да го комплетира трансферот во Вест Хем, а „жолто-црните“ сакаат да го доведат Максимилијан Бајер од Хофенхајм, пренесува „Скај Германија“.
21-годишниот фудбалер е заинтересиран за преселба на „Сигнал Идуна Парк“. Се очекува дека оваа недела двата клуба ќе започнат конкретни преговори за трансферот на напаѓачот.
Бајер има договор со Хофенхајм до летото на 2027 година, а цената за неговиот трансфер е околу 30 милиони евра. Тој има 46 настапи за Хофенхајм, на кои постигна 18 голови.
Интерес за него покажуваат и Челси, Астон Вила и Јувентус, но во моментов фаворит за неговиот потпис е Борусија Дортмунд.
