„Милионерите“ го освоија Бремен (ВИДЕО)

Борусија Дортмунд се врати победнички по поразот од Штутгарт дома и победи на гости против Вердер (1-2). Гвереиро донесе предност за „милионерите“, Мохвалд израмни, но Марко Ројс постигна победнички гол и тоа од „втора“, откако не реализира пенал. 

Штутгарт ремизираше (2-2) дома против Унион Берлин, Саша Калајџиќ израмни во судиското продолжение од мечот. Херта и Мајнц одиграа без голови, а голеадата се случи претходно во Франкфурт каде Ајнтрахт Борусија Менхенгладбах одиграа 3-3.