Фудбалската репрезентација на Македонија ја победи Ерменија со 3-1 на пријателскиот меч во Струмица. Стрелци на головите за нашиот национален тим беа Александар Трајковски, Милан Ристовски и Ердон Даци.
Со осум промени во тимот во однос на мечот со Украина во Прага, со двајца дебитанти, селекторот Благоја Милевски вели дека Македонија делуваше одлично.
„Резултатот секогаш е важен, и од тој аспект секако дека сум задоволен од победата. Но, најавив дека шанса ќе добијат некои други момци, имавме осум нови фудбалери во однос на минатиот натпревар со Украина и двајца дебитанти. Искрено сум задоволен од тоа како делувавме на теренот и од односот со кој го носеа националниот дрес на овој мел во Струмица што се одигра во тешки услови. Мислам дека имаме добар потенцијал и дека можеме уште да напредуваме“, изјави селекторот Благоја Милевски.
