Фудбалската репрезентација на Македонија утревечер (18 часот) го игра решавачкиот меч за пласман во баражот на СП во Катар 2022. Ни гостува Исланд, „должникот“ од Рејкјавик, а на Македонија и е потребен триумф за да ја оствари целта.
Селекторот Благоја Милевски вели дека нема притисок, дека националниот тим се подготвува како и пред секој натпревар.
„Нема притисок, ќе ја имаме и поддршката од публиката на наша страна. Се подготвуваме како и за секој натпревар. Подобро е кога сами можеме да решаваме за својата судбина. Треба да влеземе во натпреварот, како што ние велиме, со ладни глави и со жешки срца. Очекувам да одиграме уште еден квалитетен натпревар и секако, да победиме“, вели селекторот Благоја Милевски.
На Исланд водевме со 0-2, но на крајот неколку индивидуални грешки пресудија сепак да ремизираме (2-2).
„Се надевам дека ќе направиме многу помалку индивидуални грешки, дека ќе ги сведеме на минимум и дека на крајот ќе успееме да ја оствариме целта“, дополни селекторот.
