Новиот селектор Благоја Милевски ги одбројува деновите до првиот собир со фудбалерите во А-тимот. Со најголемиот дел од нив работеше во младиот национален тим до 21 година, вели дека се созреани како личности, но карактерно се исти, одлични селектирани.
„За мене оваа функција е пред сè гордост и исполнетост. И од спортски и од национален, но и од човечки аспект. Се радувам на првата средба со фудбалерите, се радувам на позитивната атмосфера и со нетрпение го очекуваме првиот собир. Тие се созреани како личности, а тоа е позитивно за нашата работа. Карактерно се селектирани, а токму тоа и треба на македонската репрезентација“, вели Благоја Милевски во видео – интервјуто за ФФМ.
