Милевски го одреди составот: Серафимов влегува во одбраната, Миовски и Елмас во нападот

МАКФУДБАЛ во Прага,
Никола Ѓуровски

Селекторот на фудбалската репрезентација на Македонија, Благоја Милевски, го одреди стартниот тим за денешниот квалификациски меч против Украина во Прага. Мечот започнува во 15 часот, а тој направи принудна замена во одбраната.

Во одбраната ќе игра Никола Серафимов, на местото на повредениот Ѓоко Зајков.

Во стоперското трио се и Висар Муслиу и Јован Манев. На десната странична позиција е Стефан Ашковски, а лево ќе делува Езгјан Алиоски. На голот е Столе Димитриевски.

Во средниот ред се Јани Атанасов, Енис Барди и Агон Елези, а во нападот ќе играат Елиф Елмас и Бојан Миовски.