Милан Томиќ е најново име во таборот на Академија Пандев откако српскиот интернационалец денеска потпиша двогодишен договор со струмичкиот прволигаш.
Томиќ е играч за врска кој пристигнува од редовите на Црвена Звезда, 20-годишниот плејмејкер ги има минато сите младински категории на српскиот гигант, а во сениорска конкуренција досега беше испраќан на позајмици во екипите на Графичар и на Звездара.
„Пандевци“ претходно се засилија со младиот Бојан Димоски од Вардар, како и со 20-годишниот дефанзивец Никола Серафимов.
