Јусуф Фофана потпиша за Милан и стана четврто засилување на овој клуб во летниот преоден рок. Тој и официјално ги помина медицинските прегледи, а договорот што го потпиша е на четири години со можност за дополнителна година.
Фофана ќе заработува 3 милиони евра годишно, а трансферот ги чинеше „росонерите“ 25 милиони евра.
Милан долго време го посакуваше овој играч од средниот ред кој доаѓа од Монако, Манчестер Јунајтед се вклучи во борбата, но на крајот тимот од Милано беше поуспешен и успеа да го доведе на „Сан Сиро“.
Овој стандарден репрезентативец на Франција има 25 години и досега има играно за Стразбур и за Монако.
