Италијанскиот гигант Милан покажува сериозен интерес за ѕвездата на Болоња, Џошуа Зиркзе, пренесуваат медиумите на Апенините. 22-годишиот Зиркзе дојде од Баерн Минхен, каде не успеа да се наметне во првиот тим, но затоа ги „запали“ Апенините со своите огри оваа сезона.
Холанѓанецот блеска во дресот на Болоња и го привлече вниманието на многу европски клубови, а Милан покажува најсериозен интерес за него.
„Росонерите“ го планираат Зиркзе како наследник на ветеранот Оливие Жиру и сакаат да излезат како победници во трката за одличниот офанзивец.
Милан е подготвен да плати 30 милиони евра, но и да и даде на Болоња двајца фудбалери. Тоа се Салемакерс и Коломбо.
Салемакерс игра во Болоња како позајмен фудбалер со право на откуп од 10 милиони евра, а вредноста на Коломбо изнесува околу 7 милиони евра.
