Италијанскиот калчолигаш Милан успеа да ја засили и одбраната во зимскиот преоден рок. По ангажманот на Марио Манџукиќ и на Суалихо Меите, раководството го доведе дефанзивецот Фикајо Томори од Челси кој треба да да зголеми конкуренцијата во одбранбената линија.
Томори доаѓа на позајмица на „Сан Сиро“ до крајот на сезоната, со опција за комплетно откупување на договорот во јули за сума од 30 милиони евра. Тој во текот на денот ќе ги мине медицинските прегледи и ќе стави потпис на договорот со „росонерите“.
Милан во моментот е лидер на табелата во Серија А со 43 бода по 18 натпревари и со три бода предност во однос на градскиот ривал Интер.
