Шпанскиот репрезентативец Иско Аларкон во јануари планира да си замине од Реал Мадрид. Причина е јасна, добива мала минутажа од Зинедин Зидан, а сака да биде во селекцијата на „црвената фурија“ на Европското првенство.
На Апенините најавуваат дека Иско е блиску до преселба во Серија А. Тој од поодамна е желба на Јувентус и Андреа Пирло би сакал да го има освежување во средниот ред. Но, во трката се вклучи и Милан. „Росонерите“ би сакале да добијат квалитетен играч во креативниот дел за да можат да бидат до крај конкурентни во трката за „скудетото“.
