Италијанскиот калчолигаш Милан го враќа Алваро Мората во Серија А. Откако капитенот на Шпанија го крена пехарот на Европското првенство, време е да го договори и ангажманот на следната сезона.
„Росонерите“ се согласиле да му платат 13 милиони евра на Атлетико Мадрид, колку што изнесува откупна клаузула на Мората и напаѓачот ќе потпише четиригодишен договор со Милан.
Шпанецот досега во кариерата играше за Реал Мадрид, Јувентус, Челси и за Атлетико Мадрид.
