Италијанскиот првак Милан ќе се обиде да го доведе играчот за врска на Манчестер Сити, Илкај Гундоган. Тој влезе во последната година од договорот со „граѓаните“, а Милан би сакал да го засили средниот ред со искусниот фудбалер.
Милан имаше постигнат договор со Ренато Санчез, но трансферот се искомпликува откако во трката се вклучи ПСЖ. Сега Паоло Малдини разгледува и други опции, а Илкај Гундоган би бил одлично решение.
„Росонерите“ се подготвени да платат околу 20 милиони евра за ангажманот на германскиот интернационалец ова лето.
