Италијанскиот калчолигаш Милан не се откажува од намерата да го доведе Хаким Зијеч. Новиот обид „росонерите“ ќе го имаат во јануари.
Зијеч беше голема желба на потпретседателот Паоло Малдини и на тренерот Стефано Пиоли и во летниот преоден рок, но Челси не сакаше да го пушти на позајмица, со право на откуп на договорот.
Сепак, стана јасно дека Томас Тухел не смета премногу на него, Зијеч нема голема голема минутажа и самиот сака да ја промени средината во јануари.
„Росонерите“ веќе имаат договор со фудбалерот околу личните услови и ќе се обидат да го доведат на позајмица во зимскиот преоден рок, со право за комплетен откуп на договорот.
