Претседателот на Барселона, Хозеп Мариа Бартомеу, попушти под притисокот и одлучи да поднесе оставка на функцијата. Заедно со своите соработници тој отстапува од функцијата и ја ослободува за друго раководство кое треба да го извлече клубот од „Камп Ноу“ од оваа незавидна позиција.
Барселона е во финансиска криза, а и односите во клубот се хаотични. Фудбалерите свртеа против Бартомеу и неговите соработници посебно откако дојде барањето за ново намалување на платите.
Лионел Меси повеќе од една година водеше војна со Бартомеу, побара и да си замине, но не доби дозвола, со оглед дека има договор до крајот на сезоната. Сега можеби се ќе биде поинаку.
