Лео Меси неочекувано му призна на Зинедин Зидан на средбата меѓу двајцата организирана од „Адидас“ дека имало уште еден играч кој го носел бројот „10“ што го инспирирал во детството, освен големиот Диего Марадона.
„Навистина ми се допаѓаше играта на Пабло Аимар. Прекрасно беше да се игра против него кога беше во Валенсија. Претходно тој се истакна и во Ривер Плата која имаше многу силен тим. Отсекогаш ми се допаѓал неговиот стил. Покрај Диего Марадона, кој беше на друго ниво, Пабло беше тој на кој му се восхитував“, изјави капитенот на аргентинската репрезентација.
Пабло Аимар има настапувано за Ривер Плата, Валенсија, Сарагоса, Бенфика и Џохор. Има и 52 натпревари за репрезентацијата на Аргентина, а сега 44-годишниот поранешен фудбалер е дел од стручниот штаб на „гаучосите“.
