Лионел Меси најверојатно нема да биде во тимот на Пари Сен Жермен и за претстојниот меч против Брест. Аргентинецот не беше меѓу играчите кои учествуваа на денешниот тренинг на Маурисио Покетино.
Меси се врати во кампот на ПСЖ минатиот четврток, по враќањето од Аргентина.
„Тој е под лекарски надзор, тоа е единственото нешто што можеме да го кажеме“, изјави Покетино за здравствената состојба на Меси.
Под овие услови, враќањето на Меси во натпреварувањето в сабота против Брест во Лига 1 сега изгледа сосема неизвесно. Тоа не е случај со Џанлуиџи Донарума, Анхел ди Марија, Данило и со Дракслер кои беа присутни на тренингот.
Што се однесува до Нејмар, кој се врати од Бразил, тој го продолжува протоколот за лекување на повредата на левиот скочен зглоб.
