Аргентинската ѕвезда Лионел Меси вчера добил негативен тест на Ковид-19 и добил дозвола да ја напушти Аргентина и да се врати во Париз. Тој веднаш ја искористил шансата да се врати во Франција, а од денеска или утре ќе почне и со тренинзи со соиграчите од Пари Сен Жермен.
Меси беше позитивен на Ковид-19 откако новогодишните празници ги мина во родната земја со семејството. ПСЖ беа бесни затоа што Аргентинецот прославил во ресторан каде имало многу луѓе и не се почитувале премноги ковид-протоколите. Сепак, сега се е во најдобар ред и Меси може да продолжи да тренира.
