Фудбалерот на Наполи, Дрис Мертенс, успешно е опериран на левото рамо. Операцијата е извршена во Белгија, а тој ќе мора да мирува три седмици по што ќе почне со рехабилитација.
Мертенс замина на оперирација веднаш откако Белгија доживеа елиминација на Европското првенство, надевајќи се дека ќе биде подготвен за почетокот на новата сезона во Серија А.
„Дрис Мертенс беше подложен на стабилизирачка операција на левото рамо во Белгија од страна на д-р Деклерк и под надзор на д-р Канонико. Играчот ќе мора да паузира две или три недели, а потоа ќе започне рехабилитацијата“, соопштија од Наполи.
