Connect with us

Медалистот пристигна – Георгиевски: Драго ми е што се радува Македонија!

Златното момче Македонче, Дејан Георгиевски, пристигна на аеродромот во Скопје и со триумфалниот автобус се упати кон престолнината со олимпиското сребро на градите. За Македонија тоа е огромен спортски успех, а тој е среќен што донесе радост на македонските граѓани.

„Откако пристигнав и видов колку луѓе ме пречекаа и колку се радосни, ме обземаа емоции. Тука гледам колку е големо ова постигнување. Нека се радува Македонија! Сакам да се заблагодарам на сите кои ми искажаа поддршка по освојувањето на медалот, а и претходно. Ќе се трудам максимално и во иднина да ги радувам македонските граѓани“, изјави Дејан Георгиевски по пристигнувањето од Токио.

Вечерва Дејан Георгиевски, со почеток во 19.30 часот, ќе пристигне и на плоштадот Македонија во Скопје, каде ќе има можност да го прослави медалот со сите македонски граѓани.

Advertisement
Advertisement
Advertisement

Facebook

Тимови