Килијан Мбапе демантираше дека ова лето ќе си замине од Пари Сен Жермен. Сѐ тргна од тоа што напаѓачот го известил ПСЖ дека нема да го продолжи договорот и за третата година, која е опционална.
По ова, „Ле Парисиен“ објави дека ПСЖ веќе размислува за продажба на Мбапе и дека клубот му поставил услов за нов договор или во спротивно веднаш ќе биде продаден.
„Лаги. Веќе реков дека и следната сезона ќе играм во ПСЖ каде што сум среќен“, објави Мбапе на социјалните мрежи.
Сепак, француските медиуми потенцираат дека и покрај неговиот став, ултиматумот на ПСЖ е поставен.
