Маурицио Сари го одбил Спартак Москва со образложение дека е договорен да биде следниот тренер на Милан

Поранешниот тренер на Лацио, Маурицио Сари, ја одбил понудата да го преземе Спартак Москва, објави Максим Никитин во подкастот на „Лигата на неправдата“.

Можеби многу поинтересно е дека Сари во образложението за одбивањето на рускиот клуб го потенцирал договорот со раководството на Милан, кој треба да го преземе по завршувањето на сезоната.

65-годишниот Италијанец во март го напушти Лацио, кој го водеше од 2021 година. Сари претходно беше тренер на Јувентус, Челси, Наполи и на Емполи.