Голманот Мартин Богатинов, кој доби дополнителен повик во македонскиот национален тим за претходните мечеви, е позитивен на коронавирусот, заедно со уште еден македонски интернационалец, напаѓачот Јован Костовски. Дури 16 фудбалери на Етникос Ахна во моментот се во строг карантин.
Ова значи дека Мартин Богатинов дефинитивно нема да може да биде во комбинација за репрезентативен повик во пресрет на дуелот со Косово.
Ситуацијата е повеќе од сериозна и во Џенова, клубот на Горан Пандев. Таму 10 фудбалери имале позитивни тестови на Covid-19, а денеска повторно ќе биде тестиран целиот клуб. Дополнителен проблем е што Џенова изминатиот викенд имаше меч против Наполи, а таму настапува уште еден македонски репрезентативец, Елиф Елмас.
