Бразилскиот ас Марсело кој една и пол деценија е дел од Реал Мадрид, ќе биде новиот капитен на „кралскиот тим“. Претседателот на Реал Мадрид, Флорентино Перез ја потврди оваа информација, истакнувајќи дека тоа е логична одлука по заминувањето на Серхио Рамос.
„Марсело ќе биде наш капитен следната сезона. Тешко е да се најде друг бек како Марсело. Тој и Роберто Карлос се најдобри на оваа позиција во историјата“, изјави Перез.
Марсело дојде во Реал Мадрид на 1 јануари 2007 година и следната сезона ќе му биде 15. во дресот на „кралевите“. Тој има договор до јуни 2022 година.
