Австрискиот интернационалец Давид Алаба од јуни и дефинитивно ќе биде член на Реал Мадрид, открива „Марка“. Договорот е веќе потпишан, а дефанзивецот ги минал и медицинските прегледи.
Според влијателниот шпански спортски весник, Алаба потпишал четиригодишен договор со „кралскиот клуб“ кој ќе има важност од 1 јули 2020 година. Тој ќе пристигне од Баерн Минхен како слободен агент откако цели десет сезони го носеше дресот на баварскиот клуб.
Алаба во Реал Мадрид ќе заработува 11 милиони евра по сезона. Тој имаше понуди и од ПСЖ,Ливерпул, Манчестер Сити, Јувентус, Манчестер Јунајтед, но желбата на фудбалерот беше исклучиво да го облече дресот на „кралевите“.
