Барселона славеше со 0-4 против Реал Мадрид во Ел Класико, а натпреварот беше обележан со многу офсајди од страна на домашните играчи. Шпанскиот весник „Марка“ на креативен начин ја илустрираше ситуацијата на теренот преку фотографија.
На снимката, тренерите на двата тима, Ханси Флик и Карло Анчелоти, се прикажани покрај аут линијата, а „Марка“ повлекла „ВАР линија“ помеѓу нив, при што италијанскиот тренер е означен во офсајд – јасна алузија на тактичката надмоќ на германскиот стратег.
Килијан Мбапе беше главен актер во офсајд ситуациите, со два поништени гола. Реал беше фатен во офсајд осум пати само во првото полувреме, а Мбапе сам осум пати беше најблизу до голманот на Барселона.
Во првите 25 минути од натпреварот, Мбапе имаше пет допири на топката и сите пет пати беше во офсајд. Ханси Флик продолжи со својата храбра стратегија на висока одбрана и во второто полувреме, што доведе Реал до вкупно 12 офсајди.
