Поранешниот германски репрезентативец Марио Геце го продолжи договорот со Ајнтрахт Франкфурт. Новиот договор на офанзивниот играч за врска е долгорочен, до јуни 2026 година, соопштија од клубот.
Геце, кој е светски шампион со германската репрезентација, се пресели во Ајнтрахт во 2022 година, откако се раздели со холандскиот ПСВ Ајндховен.
Во Бундес-лигата играше и за Борусија Дортмунд и за Баерн Минхен.
Марио Геце и неговите соиграчи вечерва во Берлин во финалето на Купот на Германија ќе се соочат со Лајпциг.
