Голманот на Баерн Минхен, Мануел Нојер, се ожени со ракометарката Аника Бисел, пренесува „Билд“. Според изворот, венчавката се одржала во тесен круг.
23-годишната Германка на својот профил на социјалните мрежи го смени презимето. Забележано е дека девојката е бремена и очекува бебе со Мануел Нојер напролет.
Во декември 2022 година, 37-годишниот Нојер се здоби со скршеница на ногата додека беше на скијање по завршувањето на Светското првенство во Катар.
Тој беше успешно опериран и го пропушти остатокот од сезоната 2022/23. На 28 октомври Мануел Нојер се врати на терените 10 месеци подоцна во натпреварот од деветтото коло на Бундес – лигата против Дармштад (8-0).
