Искусниот голман на Баерн Минхен, Мануел Нојер, го продолжи договорот со клубот до летото 2026 година. 38-годишниот чувар на мрежата, чиј претходен договор истекуваше ова лето, ќе остане во Минхен уште една сезона.
„Фудбалот ми носи огромно задоволство и сакам да продолжам да бидам дел од Баерн. Мотивиран сум и со нетрпение ја очекувам следната година во овој посебен клуб. Секогаш сме имале одлични разговори, што ми дава дополнителна сигурност. Се чувствувам подготвен, а пред нас стојат големи цели“, изјави Нојер.
Германскиот репрезентативец пристигна во Баерн во 2011 година од Шалке 04 и досега има запишано 547 настапи во дресот на баварскиот гигант.
